Marko Simonovski: ‘Të shtunën do të kthehem në formacion dhe dua të shënoj, nëse trajneri më beson
Njëri nga sulmuesit kryesorë të FC Drita viteve të fundit e posaçërisht edicionin vjestor 2022/2023 në Albi Mall Superligë të Kosovës, Marko Simonovski, paralajmëron rikthimin e tij në formacion bazë te skuadra pas një periudhe të vështirë nëpër të cilën kaloi muajëve të fundit.
“Po shërohem nga një lëndim, kam filluar të stërvitem normalisht me ekipin dhe shpresoj të jem në formacion bazë këtë të shtunë. Ndihem shumë mirë, dhe, sigurisht që jami gati për ndeshje, në të cilën dua të shënoj”, tha ai për TV Gjilani.
LEXO EDHE:
Sulmuesi vetëmohues i FC Drita i bëri një përshkrim analizues tabelës në fazën aktuale, ku skuadra e Drites ka ngecur katër pikë prapa, në raport me Ballkanin, për ç’gjë u shpreh optimist sa i përket potencialeve të skuadrës, për të kompensuar “lëshimet” e xhirove të të kaluara, veçmas dy dueleve: me Trepçën dhe Ferizajin!
“Normalisht që ka shanca për skuadrën tonë pasi ka shumë ndeshje deri në fund, ndërsa diferenca është vetëm katër pikë”, tha ai më tej.
Futbollisti foli edhe për filozofinë e lojës së trajnerit të ri të skuadrës së Drites, Arsim Thaçi, duke iu referuar disa ndeshjeve të zhvilluara këtë edicion pranveror, si dhe insistimit për të përshkruajtur marrëdhëniet e tij me trajnerin e ri dhe lojtarët e skuadrës në tërësi.
LEXO EDHE:
DKRS – Gjilan – Thirrje Publike për idnividë e OJQ
“Të gjithë së bashku po japim maksimumin. Reparti sulmues, sikurse edhe skuadra në tërësi janë pothuajse ato që ishin nga viti i kaluar, ndërsa edhe formacioni bazë është kryesisht i njejti. Me atë formacion të përafërt ne zakonisht luajmë, me përjashtime të vogla. Ndërsa sa i përket bashkëlojtarëve, kur shënojmë fitore më përshtaten të gjithë, ndaj nuk dua të bëjë dallime dhe s’dua të përmendë emra të përveçëm, sepse më e rëndësishmja edhe për mua si për gjithë ekipin është të japim maksimumin në fushë”, shtoi sulmuesi i Drites, Marko Simonovski.
Futbollisti i spikatur i cili ka një nuhatje të posaçme për të gjetur portën, duke e administruar psikologjikisht terrenin në tërësi e veçanërisht repartin ofansiv në mënyrë të veçantë, si dhe duke u gjendur në pozita ideale para portës kundërshtare në të shumtën e herave, e që është atribut psikologjik i lojtarëve të caktuar, në fund e vlerësoi hendikep të jashtëzakonshëm infrastrukturën nëpër terrene sportive në Albi MAll Superligën e Kosovës, duke nënvizuar se e njejta situatë është nëpër vende të ndryshme të rajonit, sikurse që edhe niveli kualitativ i cilësisë së ekipeve është aty-këtu, i përafërt, e që lë shumë për të dëshiruar!
Kujtojmë që dyshja e Dritës, Besnik Krasniqi e Marko Simonovski, si dhe lojtari i Ballkanit, Albion Rrahmani, i prijnë listës së realizatorëve në Albi MAll Superligën e Kosovës deri në ktë fazë, përfshirë edhe të katërti në listë, ish-futbollistin e Trepçës ’89 që u transferua te Partizani i Tiranës, Christian Mba.
Bisedoi: Xhemail Veseli /TV Gjilani/
