Llapi eliminon Malishevën, kalon në gjysmëfinale të Kupës së Kosovës
Llapi ka siguruar kualifikimin në gjysmëfinale të Kupës së Kosovës, pasi ka eliminuar Malishevën pas fitores në udhëtim me rezultat 1-0 në ndeshjen çerekfinale.
Ekipi i Tahir Batatinës ka arritur të mposht atë të Bekim Isufit në përballjen e vetme çerekfinale të zhvilluar në stadiumin “Liman Gegaj” në Malishevë.
Pjesa e parë e ndeshjes u karakterizua me lojë të barabartë nga të dyja skuadrat, të cilat krijuan raste, por vetëm mysafirët arritën ta tundin rrjetën.
Goli i vetëm në këtë pjesë erdhi në minutat shtesë dhe ishte sulmuesi Ardit Tahiri, i cili shënoi për epërsinë 1-0.
Në pjesën e dytë, u zhvillua përsëri lojë e hapur dhe me raste nga të dyja skuadrat, por pa konkretizim.
Kështu, pas 90 minutave lojë, Llapi mori një fitore të madhe 1-0, fitore e cila e kualifikon në gjysmëfinale të Kupës së Kosovës.
