Lajmi tragjik ka prekur thellë Kamenicasit! Nënkryetari Jakupi: “Kjo humbje e rëndë ka prekur të gjithë, duke lënë pas dhimbje dhe trishtim të madh…”
Nënkrytari i Komunës së Kamenicës, Faton Jakupi, është shprehur i trishtuar nga rasti tragjik i humbjes së jetëve te dy vajzave të reja në aksident trafiku në Hodonoc të kësaj Komune.
“Me dhembje të thellë morëm lajmin e ndarjes tragjike nga jeta të dy vajzave të komunës sonë. Kjo humbje e papritur dhe e rëndë ka prekur të gjithë komunitetin tonë, duke lënë pas dhimbje dhe trishtim të madh”, ka shkruar nënkryetari Jakupi.
“Në këto momente të vështira, jemi pranë familjeve të tyre me mendje e zemër.”
“Ju shprehim ngushëllimet më të sinqerta për familjet Basha e Thaqi dhe lutemi që Zoti t’ju japë forcë dhe durim për ta përballuar këtë dhimbje të madhe, e për të lënduaren tjetër uroj shërim sa më të shpejtë. U prehëshin në paqe!”, ka shkruar Jakupi.
