KV Drita (Femrat) shpreh ngushëllime për ndarjen nga jeta të Elife Sherifi
KV Drita Femrat ka shprehur pikëllimin e thellë për ndarjen nga jeta, në moshë të re, të gazetares Elife Sherifi.
Nga klubi theksojnë se Elifja ishte një profesioniste e përkushtuar, e cila për vite me radhë kontribuoi në promovimin e sportit dhe në përcjelljen e aktiviteteve të ekipit, duke lënë gjurmë të veçanta me punën dhe përkushtimin e saj.
Në reagim thuhet se ajo do të kujtohet për korrektësinë, respektin dhe afërsinë që kishte me sportistet dhe gjithë komunitetin sportiv.
Ja postimi i plotë i KV Drita (Femrat):
Me pikëllim të thellë morëm lajmin për ndarjen nga jeta, në moshë të re, të gazetares së përkushtuar, Elife Sherifi.
Elifja do të kujtohet gjithmonë si një profesioniste e dalluar, e cila me përkushtim, pasion dhe dashuri për sportin kontribuoi për shumë vite në përcjelljen dhe promovimin e volejbollit dhe ekipit tonë, duke lënë gjurmë të pashlyeshme në çdo aktivitet tonin.
Ajo ishte gjithmonë pranë sportisteve tona, me respekt, korrektësi dhe profesionalizëm të lartë.
Në emër të KV Drita (Femrat), shprehim ngushëllimet më të sinqerta për familjen Sherifi, kolegët dhe të gjithë ata që e njohën.
Në këto momente të rënda, jemi pranë jush dhe ndajmë dhimbjen së bashku.
Elifja u prehtë në paqe
