Kryetari Hyseni, takon studentët që mbajtën praktikën me pagesë në institucionet komunale
Mbi shtatëdhjetë studentë, kanë mbajt praktik me pagesë në institucionet komunale të Gjilanit, duke përfituar përvojë gjatë tre muajve, shkruan faqja zyrtare e Komunës së Gjilanit.
Me rastin e përfundimit të praktikës, ata janë pritur nga kryetari i Komunës së Gjilanit, Alban Hyseni.
Ai tha se mbi 70 studentë të shkëlqyer të Gjilanit tonë e gjallëruan komunën për tre muaj, përmes praktikës me pagesë që ndoqën në institucionin tonë.
“Ishte kënaqësi e veçantë t’i takoj disa prej tyre dhe të dëgjoj nga afër përvojat e tyre gjatë kësaj periudhe si pjesë e administratës komunale”, tha Alban Hyseni.
I pari i komunës, theksoi se: të rinjtë tanë janë të gatshëm për tregun e punës, me energji, ide dhe vizion të qartë për të ardhmen.
“Jam i bindur se kjo përvojë do të jetë një hap i rëndësishëm në rrugëtimin e tyre profesional. Ne jemi shumë krenarë për secilin prej tyre, për përkushtimin, seriozitetin dhe dëshirën për të kontribuar në qytetin tonë”, tha kryetari Alban Hyseni.
