Kryeministri Kurti të enjten në mëngjes udhëton në Paris, pritet të takohet me Presidentin Serb, Alekandër Vuçiç

Në një postim në rrjete sociale, Kryeministri Kurti ka njoftuar se të enjten në mëngjes do të udhëtoj për në Paris, ku do të marrë pjesë në Forumin e Paqes, me ftesë të Presidentit Francez, Emannuel Macron.

Në postimin e tij Kurti lë të hapur mundësinë e takimit me Presidentin e Serbisë, me ndërmjetësimin e palës së tretë, në këtë rast Presidentit Macron, ndërsa potencon faktin se bashkë me të në Parisë do të qëndroj ekipi gjashtëanëtarësh, emrat e të cilëve nuk i ka bërë të ditur.

P o s t i m i

Të dashur qytetarë,

Nesër, pra të enjten, herët në mëngjes do të nisem për Paris për të marrë pjesë në Forumin e Paqes, bashkë me gruan time Ritën, e me ftesë të Presidentit Francez Emmanuel Macron. Përveç punimeve dhe darkës përgjatë këtij forumi prestigjioz, ndoshta mund të ketë edhe një takim trilateral me Presidentin e Serbisë i cili po ashtu është ftuar atje. Unë me vete do të kem ekipin tim gjashtëanëtarësh nga kryeministria.

Jam i gatshëm sepse i përgatitur, dhe gjithnjë i interesuar, për dialog për marrëveshje, për normalizim të plotë të marrëdhënieve ndërmjet Republikës së Kosovës dhe Serbisë, me njohjen reciproke në qendër. I kemi dy propozime në tavolinë: ai imi për kornizën e përgjithshme të marrëveshjes i prezantuar në takimin e 18 gushtit 2022 në Bruksel, si dhe propozimi franko-gjerman që ka mbështetjen e Shteteve të Bashkuara të Amerikës dhe Bashkimit Evropian, i prezantuar nga emisarët Jens Plötner dhe Emmanuel Bonne. Dialogu parimor me të tjerët, sundimi i ligjit njësoj për të gjithë, dhe, paqja e siguria në tërë territorin, shkojnë bashkë.

Ju falemnderit për mbështetjen e mirupafshim. Ju dëshiroj natë të mirë e ditë të mbara.

https://www.facebook.com/watch?v=12975https://www.facebook.com/watch?v=129757019104174970191041749