Ndahet nga jeta aktori Nexhat Xhokli! – Teatri “Adriana”: “Humbje e madhe për skenën dhe artin”
FERIZAJ – Komuniteti artistik ka humbur një emër të dashur të skenës.
Me pikëllim të thellë është pritur lajmi për ndarjen nga jeta të aktorit Nexhat Xhokli.
Lajmin e ka bërë të ditur Teatri “Adriana” nga Ferizaji përmes një postimi në faqen e tij zyrtare.
“Me pikëllim të thellë morëm lajmin për ndarjen nga jeta të kolegut tonë Nexhat Xhokli. Kontributi i tij në skenën tonë, përkushtimi ndaj artit dhe kujtimet e ndara me kolegët do të mbeten pjesë e çmuar e historisë së teatrit” – thuhet në njoftimin e teatrit.
Teatri “Adriana” ka shprehur gjithashtu ngushëllime për familjen dhe kolegët e artistit.
“Në emër të Teatrit ‘Adriana’, i shprehim ngushëllimet më të sinqerta familjes, miqve dhe gjithë komunitetit artistik. U prehtë në paqe. I përjetshëm qoftë kujtimi për të!” – përfundon reagimi.
TV Gjilani i bashkohet dhimbjes dhe i shpreh ngushëllimet më të sinqerta familjes Xhokli dhe Teatrit “Adriana”. 🖤
