Kosova vazhdon vaksinimin kundër Covid 19.
Vaksina u ofrohet falas të gjithëve, nga qeveria vendore. Gjithashtu vaksina kundër COVID-19 deri me tani është treguar tejet efektive për të parandaluar sëmundjen dhe është mjet i rëndësishëm në luftën kundër pandemisë. Si dhe nuk është nevoja të bëni një test COVID-19 para se të vaksinoheni.
Sipas OBSH (Anglisht: World Health Organization) edhe ata që e kanë kaluar COVID-19 duhet të vaksinohen. Ekspertët ende nuk e dinë sa kohë do t’ju vazhdojë mbrojtja nga infeksioni, pasi ta keni kaluar COVID-19. Edhe po ta keni kaluar COVID-19, është e mundshme – edhe pse rrallëherë – që të infektoheni sërish me virusin që shkakton COVID-19.
Vaksinat kundër COVID-19 që ofrohen në Kosovë janë provuar shumë të efektshme. Ekspertët po vazhdojnë të studiojnë nëse vaksinat ndihmojnë edhe që të mos përhapet COVID-19. Mbajtja e maskave dhe distancimi social ndihmojnë për të ulur shanset tuaja për ta kapur virusin ose për t’ua ngjitur të tjerëve, por këto masa nuk janë të mjaftueshme. Së bashku, vaksinimi kundër COVID-19 dhe ndjekja e ekomandimeve të CDC për të mbrojtur veten dhe të tjerët do të ofrojnë mbrojtjen optimale ndaj COVID-19.
Ndersa pritshmeria midis dozës së parë dhe dozës së dytë të vaksinës COVID-19 rekomandohet të bëhet pas 21 ditësh për Pfizer dhe 28 ditësh për Moderna, por
çdo kohë deri në 6 javë diferencë (42 ditë) pas dozës së parë pajtohet me direktivat e CDC. Nuk duhet ta merrni dozën e dytë më herët se 21 ditë për Pfizer ose 28 ditë për Moderna. Vaksina Janssen (Johnson & Johnson) jepet me një dozë të vetme.
Çdo qendër vaksinimi masiv ka personel vaksinues të kualifikuar, që mund të gjykojnë nëse dikush mund ta bëjë vaksinën dhe t’u përgjigjen pyetjeve të pacientit para injeksionit. Çdo qendër ka profesionistë mjekësorë të kualifikuar, të cilët administrojnë vaksinat, mbikëqyrin procesin e vaksinimit dhe mbajnë pacientët në vëzhgim për 15-30 minuta pas injeksionit. Qendrat e vaksinimit masiv janë të përgatitura për të trajtuar urgjenca mjekësore dhe reaksione të padëshiruara me personelin mjekësor që kanë në dispozicion dhe shpesh kanë edhe ambulanca në gatishmëri, për të ndihmuar sipas nevojës. Nëse jeni të shqetësuar për reaksionet e padëshiruara ndaj vaksinës, duhet t’i diskutoni këto më parë me ofruesin tuaj të
kujdesit shëndetësor, para se të arrini në qendër. Pacientëve u kërkohet që ta bashkëndajnë historinë e tyre të vaksinës dhe të shëndetit me personin që i vaksinon dhe duhet të diskutojnë çdo shqetësim ose paqartësi me të, para se ta bëjnë vaksinën.
Ne momentin e vaksinimit ju do të merrni një kartë ose fletë vaksinimi, që ju informon se çfarë vaksine COVID-19 keni bërë, datën kur e keni bërë dhe ku e keni bërë. Sigurohuni që ta mbani këtë kartë se do t’ju duhet për dozën e dytë. Mund të nxirrni një foto të saj, për ta pasur si kopje digjitale rezervë.
Duhet të merrni edhe një version letër ose elektronik të një flete informative me të dhëna të mëtejshme për vaksinën specifike COVID-19 që po ju ofrohet. Çdo vaksinë COVID-19 e autorizuar vjen me fletën e vet të fakteve, me informacion që ju ndihmon të kuptoni rreziqet dhe përfitimet nga marrja e asaj vaksine specifike.
