Kosova merr ftesë nga Ministri i Mbrojtjes së Kroacisë, z. Mario Banožić, qe të marr pjesë në Panairin Tradicional të Mbrojtjes dhe Hapësirës Ajrore të Detit Adriatik (Adriatic Sea Defense and Aerospace 2021).
ASDA në Split është ekspozita më e madhe e paisjeve dhe armëve ushtarake në këtë zonë. Kjo është një mundësi e mirë e njoftimit me të arriturat e fundit në industrinë e armëve dhe paisjeve ushtarake si dhe vendosjen e bashkëpunimit me shumë shtete që e kanë të zhvilluar dhe të avancuar këtë industri.
Në Split po zhvillohet ekspozita më e madhe e pajisjeve dhe armëve ushtarake e policore. Në kuadër të kësaj, përveç takimeve me përfaqësuesit e shteteve aleate të Republikës së Kosovës Ministri i Punëve të Brendshme të Kosovës, Xhelal Sveçla ka vizituar dhe bashkëbiseduar me prezantuesit e kompanive të prodhimit dhe shitjes së pajisjeve dhe armëve.
