KK Gjilan: “Onomatopea kumbuese” e “zërit” opozitar të Gresa Avdiu në vitin 2022
Gresa Avdiu – Opozitarja e vitit: – Njëra nga Këshilltaret Komunale që ka pasur një performancë jashtëzakonisht impresive, pavarsisht përvojës së shkurtër në skenën politike, ka qenë Gresa Avdiu nga radhët e LDK-së, e cila ka ngritur një mori çështjesh në KK Gjilan në vitin 2022.
E veçanta e paraqitjes së saj ka qenë analiza e thuktë që i ka bërë çështjeve të ndryshme në Kuvendin Komunal, sikurse edhe refleksioni tejet pozitiv në raport me kolegë deputetë nga kampi qeverisës, përkundër kritikave adresuara kohë pas kohe.
Padyshim se diskursi i mirësjelljes në çasjen e saj, ndonëse kritike ndaj oponentëve kundërshtarë politikë, ka qenë vetëm njëra nga specifikat që e ka veçuar Gresa Avdiun si asambleiste, ndërsa “rrahja e temave” të ndryshme, veçmas ato kulturore etj, ka qenë karakteristikë tjetër e veçantë e punës së saj si Këshilltare Komunale gjatë vitit 2022.
Në mesin e shumë çështjeve të ngritura në Kuvend, kanë qenë ato që ndërlidhen me Thirrjen Publike për financim të OJQ-ve; Raporti financiar i Flakës së Janarit 2022, me pretekst se ka pasur konflikti interesit mes të drejtorit të DKRS-së dhe OJQ-së përfituese të shtyllës “Talian e Flakes 2022”; pastaj, sipas saj – shkëputja e njëanshme e kontratës me ish-Kompaninë e kontraktuar punërkyese të Stadiumit të Qytetit në Gjilan.
Pa dyshim se fokusi i çështjeve të ngritura nga “zëri permament opozitar” i saj, ka qenë më i theksuar në lidhje me bursat e studentëve dhe shpërndarjen e tyre, të cilën e ka cilësuar jo të drejtë, duke shfaqur skepsën e saj për mbetjen pa bursa të studentëve gjatë vitit 2022, duke konstatuar si imediate e të domosdoshme nevojën për ndërrimin e rregullores për bursa.
Gresa Avdiu ka qenë mjaft aktive edhe në protesta të subjektit të saj, LDK-së, sikurse edhe në prezantime të ndryshme nëpër konferenca të rregullta javore të këtij subjekti, ndërsa ka vijuar të jetë “zë kritik” në lidhje me mosfunksionimin adekuat të punës së Kuvendit Komunal muajëve të fundit.
Biografia: Gresa Avdiu është e lindur në vitin 1997, në fshatin Përlepnicë të komunës së Gjilanit.
Ajo ka mbaruar arsimin fillor në vendlindje, në Përlepnicë, ndërsa paralelisht ka vijuar mësimin nga klasa e pestë edhe në shkollën e muzikës, në instrumentin Flautë.
Shkollimin e mesëm – Gjimnazin e Shkencave Matematiko-Natyrore “Xhavit Ahmeti” – drejtimi Matematikë/Informatikë e ka mbaruar në Gjilan. Aktualisht është studente e Farmacisë në vitin e fundit të studimeve Master dhe paralelisht ka studiuar edhe Shkenca Politike, ku ka përfunduar nivelin Baçelor.
Ajo tani është duke studiuar edhe në Fakultetin Filozofik në UP-së, në drejtimin Marrëdhënie Ndërkombëtare dhe Diplomaci – niveli Master. Ka qenë bursiste në fondacionin politik gjerman ‘Konrad Adenauer Stiftung’, përmes të cilit ka pasur mundësi të përfaqësoj Forumin Rinor të Lidhjes Demokratike të Kosovës në trajnime vendore, rajonale e ndërkombëtare, duke përfshirë edhe trajnime në kryeqytetin politik të Europës – Bruksel!
Ka marrë pjesë si studente e Farmacisë edhe në simpoziume e trajnime të ndryshme nga fusha e mjekësisë në nivel vendi e rajoni.
Është nënkryetare e Forumit Rinor të Lidhjes Demokratike të Kosovës – dega në Gjilan dhe sekretare për media në Forumin e Gruas së LDK-së në nivel të degës dhe në nivel qëndror.
Aktualisht është duke punuar në biznesin familjar ‘Agro Gresa’. Me votën e qytetarëve të Gjilanit, është zgjedhur anëtare e Kuvendit Komunal në Gjilan në vitin 2021. Ky është mandati i saj i parë si asambleiste në Kuvendin Komunal të Gjilanit.
