ARTE: Avni Behluli, artist 2022 – me listë të gjatë çmimesh kombëtare e ndërkombëtare
Padyshim se viti që po e lëmë pas, (2022) ka qenë ndër vitet më të suksesshme për artistin krijues, Mr. Sc. Avni Behluli.
Biografi e shkurtër: – U lind në fshatin Breznicë, Komuna e Bujanocit. Më 1986 mbaroi Akademinë e Arteve, dega e Skulpturës në klasën e Prof. Agim Çavdarbasha, në Universitetin e Prishtinës, ndërsa në vitin 1998 mbaron studimet posdiplomike te i njejti profesor dhe mori gradën Mr. Sc. i Skulpturës.
Ka hapur 30 ekspozita individuale dhe qindra ekspozita kolektive nëpër vende të ndryshme të botës. Avni Behluli gjjithashtu ka marrë pjesë nëpër shumë simpoziume, koloni ndërkombëtare arti, etj.
Për krijimtari artistike është shpërblyer me çmime të ndryshme kombëtare e ndërkombëtare: 9 herë ka qenë “krijues i vitit” – Gjilan.
Viti 2022 ishte viti me i suksesshëm i tij, duke u shpërfaqur në më shumë se 30 aktivitete ndërkombëtare me krijimtarinë e pasur artistike, në aktivitete të ndryshme nëpër shtete e kontinente të ndryshme.
Mjafton të përmenden vetëm disa nga aktivitetet pjesëmarrëse të Avni Behluli me punimet e tij të prezantuara në mënyra të ndryshme, për të krijuar përceptimin se viti 2022 ishte ndër vitet mbresëlënëse të punës dhe krijimtarisë që e ka spikatur ndër vite e dekada.
Ishte finalist në “Osten Biennale Draëing Skopje” në Shkup; pjesëmarrës në simpoziume nëpër shtetet të ndryshme, si Jordani, Spanjë etj.
Skulptori Behluli gjatë vitit 2022 kishte edhe ekspozitën personale në Petnjica – Mali i Zi.
Çmime Kombëtare e Ndërkombëtare:
2021 – Çmimi special nga L.N.P.SH.A. Pegasi
2020 – çmimi për skulpturë nga Akademia e Artit, shkencës dhe Letrave “Mirdita” – Shqipëri
2017 – çmimi nga L.P.A.SH Pegasi – shqipëri
2009 – çmimi për skulpturë nga Sh.A.F “Draudakum” – Maqedoni e Veriut
Fitues:
2007 – çmimi blerës i Galerisë – Gjilan
2003 – çmimi “Salloni i Nëntorit” – Prishtinë
1994 – çmimi “shpërngulja plagë shekullore e popullit shqiptar” – Prishtinë
2027 – 2012 ka qenë kryetar i shoqatës së Artistëve Figurativ të Gjilanit.
Ndërsa, sikur nuk u mjaftuar vetëm me krijimtari artistike pamore, Avni Behluli me përkushtim e devotshmëri iu rrekë punës krijuese letrare, për të shkruar e botuar monografinë për Sh. M. L. A. P “Adem Kastrati” 2012- 2022 në Gjilan.
Ka qenë iniciator për themelimin e Shkollës së Mesme Publike të artit pamor “Adem Kastrati” – Gjilan, njëherit koordinator dhe drejtor i parë i kësaj shkolle. Veprat e tij gjenden nëpër galeri e muzeume të shumta nëpër botë. Jeton dhe vepron në Gjilan.
