Nxënësit e shkollës “Metush Krasniqi” prezantojnë projekt për vetëdijësimin mbi mbeturinat në konferencën “Kosova e gjelbër”
“Klubi i Super-Vullnetarëve” “Unikët” i shkollës Shkolla Metush Krasniqi ka marrë pjesë në konferencën “Kosova e gjelbër: Nga angazhimi rinor tek mbështetja institucionale”, ku ka prezantuar një projekt të fokusuar në ndërgjegjësimin mjedisor.
Në këtë konferencë, super-vullnetaret Uerda Kryeziu dhe Erisa Thaqi prezantuan projektin e realizuar gjatë periudhës shtator 2025 – mars 2026, në kuadër të modulit “Ndryshimet Klimatike”, me temë “Vetëdijësimi i komunitetit rreth mbeturinave”.
Projekti ka përfshirë disa aktivitete konkrete, si krijimi i një videoje me thënie mbi ndryshimet klimatike, hartimi dhe shpërndarja e broshurave informuese, si dhe përgatitja e një baneri sensibilizues i vendosur në ambientet e shkollës.
Në përmbyllje të aktivitetit, pjesëmarrësit u vlerësuan me certifikata për angazhimin dhe kontributin e tyre në këtë nismë.
