Lindije Vranovci – Matoshi: Agim Jashari, vlerë e shtuar e AAK-së në Gjilan
Kryetarja e Forumit të Gruas së AAK-së mirëpret aderimin e ri nga diaspora.
Kryetarja e Forumit të Gruas së degës së Aleancës për Ardhmërinë e Kosovës në Gjilan, Lindije Vranovci – Matoshi, ka prezantuar aderimin e ri në parti.

Bëhet fjalë për Agim Jasharin, i cili pas një periudhe të gjatë jetese dhe angazhimi në diasporë, më konkretisht në Zvicër, ka vendosur t’i bashkohet AAK-së.

Sipas njoftimit, gjatë qëndrimit në Zvicër ai “ka qenë aktiv në shumë fusha, duke dëshmuar përkushtim, energji dhe vullnet për angazhim në jetën shoqërore, krahas punës dhe aktiviteteve sportive”.
Vranovci – Matoshi thekson se me këtë aderim Aleanca përfiton një kuadër me përvojë. Agim Jashari tashmë ka vendosur që “energjinë dhe vullnetin e tij t’i vërë në shërbim të Aleancës, duke u bërë pjesë aktive e angazhimeve dhe vizionit tonë të përbashkët”.
Në fund të postimit i urohet mirëseardhje me fjalët: “Mirë se erdhe në Aleancë! Së bashku me njerëz të vullnetit të mirë, ndërtojmë rrugë të reja drejt sukseseve të përbashkëta.”

