Gjilanasja, Rinesa Mujadin Qerimi diplomon me sukses në njërën nga shkollat më prestigjioze në Gjenevë
Rinesa Mujadin Qerimi nga qyteti i Gjilanit ka arritur një sukses të jashtëzakonshëm në fushën e arsimit duke diplomuar në Webster University Geneva, një ndër institucionet më të njohura akademike në Zvicër.
Ajo, jo vetëm që përfundoi studimet me sukses të lartë, por u përzgjodh edhe ndër gjashtë studentët më të dalluar të gjeneratës.
Rinesa ka diplomuar në dy drejtime paralelisht, duke dëshmuar përkushtimin dhe potencialin e saj të jashtëzakonshëm akademik.
Ky është një tjetër shembull frymëzues i të rinjve nga diaspora që po tregojnë nivel të lartë profesional dhe intelektual në arenën ndërkombëtare.
