Gjilan: QKK e Biblioteka e Qytetit “Fan S. Noli”, organizojnë bashkërisht aktivitetin “Nata e filmit”
Gjilan: Qendra Kinematografike e Kosovës dhe Biblioteka e Qytetit “Fan S. Noli”, organizojnë bashkërisht aktivitetin kulturor “Nata e filmit”.
“Bashkë me shokë e shoqe ejani në ambientet e jashtme të bibliotekës për ta përjetuar një natë të këndshme e relaksuese të verës, duke bërë të ditur se filmi “Zgjoi” i regjisores blerta Basholli do të prezantohet para artdashësve gjilanas”, shkruan faqja e Bibliotekës.
“Filmi “Zgjoi” – ka pasur rrugëtime të gjata e të suksesshme në vende të ndryshme të Europës e ne jemi shumë të nderuar që ta ndajmë këtë së bashku. Ka fituar tri çmimet kryesore të Sundance Film Festival.
Filmi “Zgjoi” është i frymëzuar nga historia e vërtetë e Fahrije Hotit nga Krusha e Madhe, e cila në kërkim të burrit të saj të humbur gjatë luftës në Kosovë, fillon një biznes bujqësor për t’a siguruar mbijetësën e familjes”, shkruan faqja e QKK-sw, e cila mbanw firmwn e realizmit gjegjwsisht mbwhstetjes sw filmit.
Sipas fabulës, Fahrija e fillon këtë angazhim duke u përballur me një ambient tradicionalisht patriarkal ku ambicia për t’u zhvilluar nuk shihet me sy të mirë. Por, askush dhe asgjë nuk e ndaloi Fahrijen në misionin e saj.
E pikërisht kjo e ka “intriguar”, regjisoren që të realizojë një film të bazuar në jetën e saj, ka shkruar paraprakisht faqja e QKK-së, duke nënvizuar se në rolin e Fahrijes është paraqitur aktorja, Yllka Gashi.
