Ekskluzive | Ky është i dyshuari për tentim-vrasjen në Novobërdë – arrestohet pas disa orësh kërkimi, arma u gjet në veturë
Policia e Kosovës ka arrestuar mbrëmë Përparim Bunjakun, rreth 51-vjeçar, i cili dyshohet për tentim-vrasje ndaj A.,B., rreth 40-vjeçar në fshatin Koznicë të Novobërdës, pas një mosmarrëveshjeje që eskaloi në përdorim armësh.
Sipas burimeve të besueshme, ngjarja ndodhi më 08 nëntor 2025, rreth orës 20:35, kur i dyshuari fillimisht gjuajti me pistoletë në drejtim të viktimës, në afërsi të këmbëve dhe më pas e goditi me kondakun e armës në kokë, duke i shkaktuar lëndime.
Në vendin e ngjarjes, njësitë policore kanë gjetur dy gëzhoja dhe një fishek 9mm, ndërsa viktima është dërguar për trajtim mjekësor.
Rreth orës 23:45, policia ka arrestuar të dyshuarin Bunjaku, i cili kishte lënë veturën e tij “Opel Astra” me ngjyrë hiri në fshatin Slivovë, në parkingun e pompës “Nazi Petrol”. Brenda automjetit është gjetur arma e tipit “gas”, që dyshohet të jetë përdorur në tentim-vrasje.
Me vendim të Prokurorit të Krimeve të Rënda, i dyshuari është ndaluar për 48 orë, ndërsa hetimet janë në zhvillim nga Njësia e Hetimeve Rajonale për zbardhjen e plotë të rastit.
Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Burimi i lajmit: Gazeta Sinjali
