E jashtëzakonshme! Stadiumi i atletikës në Roganë po merr formë gradualisht
Ky është një projekt madhor që lidhet ngushtë me një klub me traditë, i cili ka nxjerrë emra të shquar që i kanë dhënë shumë atletikës kosovare dhe shqiptare – KA Rogana – shkruan TV Gjilani.
Por një emër mbetet i veçantë dhe i pakontestueshëm – i palëkundur në aktivitetet e tij nga vitet ’90 e deri më sot. Ai është Zijadin Kryeziu, atleti kulmor dhe madhështor, i cili, i ndihmuar nga talentët e mëvonshëm, si Shehat Kryeziu, Astrit Kryeziu, Vijona Kryeziu, Musa Hajdari e shumë të tjerë, vazhdon të jetë shtylla e atletikës sonë.
Inaugurimin e stadiumit e ka postuar edhe kryetari i Komunës së Kamenicës, Kadri Rahimaj, kontributi i të cilit ka qenë krucial që ky projekt jetik për këtë trevë të marrë vëmendjen e duhur nga institucionet relevante, gjegjësisht Ministria për Kulturë, Rini dhe Sport – MKRS.
“Flamuj të shumtë të shteteve do të valëviten në Kamenicë”, ka shkruar ai, duke aluduar në aktivitete të ndryshme të atletikës, madje edhe Lojërat Mesdhetare 2030.
