Drejtori Huruglica takohet me zëvendës sekretarin e shtetit të Iowas për zhvillimin ekonomik
Gjatë vizitës në Iowa, drejtori për Zhvillim Ekonomik i Komunës së Gjilanit, Haki Huruglica, është takuar me Eric Gookin, zëvendës sekretarin e shtetit të Iowas.
Në takim u bisedua për rëndësinë e bashkëpunimit ekonomik dhe për forcimin e lidhjeve mes komuniteteve të dy vendeve.
“Vizituam edhe Zonën Ekonomike të qytetit Sioux City, ku u njohëm nga afër me potencialin industrial, zhvillimin e bizneseve dhe mundësitë që ofron kjo zonë për investime dhe partneritete të reja”, tha Huruglica.
Ai theksoi se përvoja të tilla janë të rëndësishme për të marrë modele të suksesshme që mund të shërbejnë edhe për zhvillimin ekonomik në Kosovë.
