4 pianiste nga Gjilani pjesë e 16 talenteve të Kosovës në Gala Finalen në Vjenë
GJILAN, 20 Nëntor 2026 – 16 pianistë të rinj nga Kosova do të performojnë më 20 nëntor në Mozarthaus të Vjenës, në kuadër të Gala Finales së International Piano Balkan Competition – Vienna 2026.
Në mesin e tyre do të ngjiten në skenë edhe katër nxënëse nga Shkolla e Muzikës – Gjilan, një sukses i veçantë për qytetin tonë:
- Puhiza Sadiki dhe Eni Ademi – klasa e prof. Dafina Bajrami
- Nina Kqiku – klasa e prof. Hajrije V. Bislimi
- Dea Berisha – klasa e prof. Premtim Selimi
Koncerti ndërkombëtar do të mbahet në shtëpinë historike ku ka jetuar Wolfgang Amadeus Mozart dhe do të mbledhë performues nga 28 shtete të botës.

Pianistët kosovarë janë pjesë e International Piano Balkan Academy, nën drejtimin e profesorit Giuseppe Devastato. Sipas Akademisë, kjo është hera e parë që një numër kaq i madh i pianistëve nga Kosova përfaqëson vendin në këtë skenë prestigjioze.
Shkolla e Muzikës në Gjilan përgëzon nxënëset dhe profesorët për këtë arritje.
