Cristiano Ronaldo u martua me Georginën
Cristiano Ronaldo është martuar me partneren e tij prej shumë vitesh, Georgina Rodríguez. Ylli portugez i futbollit, 41 vjeç, dhe modelja 32-vjeçare u martuan në një ceremoni civile të zhvilluar më 11 gusht në Cascais të Portugalisë. Sipas njoftimit zyrtar, martesa ishte një ngjarje private dhe intime, ku morën pjesë edhe pesë fëmijët e tyre.
Martesa një vit pas fejesës
Në rrjetet sociale ata publikuan një fotografi të duarve të tyre me unazat e martesës, shoqëruar me përshkrimin”.
Martesa u zhvillua saktësisht një vit pas fejesës së Rodríguez, e cila më 11 gusht 2025 kishte publikuar në Instagram lajmin e fejesës. Ajo kishte ndarë një fotografi ku shihej nga afër një unazë e madhe me diamant.
“Sí, quiero. En esta y en todas mis vidas”, kishte shkruar atëherë Georgina, që do të thotë: “Po, dua. Në këtë dhe në të gjitha jetët e mia.”
Çifti po rrit së bashku pesë fëmijë: binjakët Eva Maria dhe Mateo, 8 vjeç, vajzën Alana, 8 vjeç, vajzën Bella, 4 vjeç, si dhe djalin 15-vjeçar Cristiano Junior, të cilin Ronaldo e kishte nga një lidhje e mëparshme. Në prill 2022, çifti njoftoi se kishte ndërruar jetë vëllai binjak i Bellës, Ángel, i cili vdiq gjatë lindjes.
Fillimi i lidhjesRonaldo dhe Georgina u njohën në vitin 2017, kur ajo punonte si shitëse në një dyqan të Gucci-t. Ata u shfaqën për herë të parë së bashku në tapetin e kuq në janar të po atij viti, në ceremoninë “Best FIFA Football Awards” në Cyrih. Lidhjen e tyre e konfirmuan në Instagram në maj, kur Ronaldo publikoi një fotografi të përbashkët.
Në serialin e saj reality “I Am Georgina”, të vitit 2022, Ronaldo ka folur për fillimet e lidhjes së tyre. Ai e përshkroi Georginën si “një vajzë shumë interesante, shumë më e pjekur për moshën e saj”.
Georgina tha se lidhja e tyre kishte “një fillim shumë të veçantë”.
Ronaldo ka pranuar se në fillim nuk mendonte se lidhja do të bëhej kaq serioze, por shumë shpejt u dashurua.
“Nuk mendoja se lidhja do të bëhej kaq e fortë dhe se do të dashurohesha me të. Sinqerisht, nuk e prisja. Por pas një kohe ndjeva se ajo ishte gruaja e jetës sime”, kishte deklaruar Ronaldo në serial.
Reagimi i Georginës ndaj propozimit të papritur
Në një intervistë për revistën spanjolle Elle, në dhjetor 2025, Georgina tregoi se propozimi i papritur i Ronaldos e kishte tronditur.
“Të them të drejtën, në atë moment nuk e kisha fare në mendje se do të më propozonte”, tha ajo.
Ajo tregoi se i ishte dashur shumë kohë për ta përpunuar emocionalisht momentin dhe unazën e madhe që Ronaldo i kishte dhuruar.
“U befasova aq shumë, saqë e lashë unazën në dhomë dhe vetëm të nesërmen në mëngjes e hapa në dritën e ditës”, tregoi Georgina.
Për unazën ajo tha se ishte “e mrekullueshme”, ndërsa me shaka shtoi: “Kjo është më e pakta që mund të më ofronte pas 10 vitesh pritjeje.”
