Ansambli “Gjilani” merr pjesë në festival kulturor në Sllovaki
Në muajin shtator të këtij viti, Ansambli i Këngëve e Valleve “Gjilani”, do të marrë pjesë në një ngjarje të rëndësishme kulturore.
Behet fjalë për festivalin e njohur kulturor në Sllovaki, i cili tradicionalisht mbahet nga data 11 deri më 15 shtator, njofton faqja zyrtare e ansamblit “Gjilani”, përcjell TV Gjilani.
“Me kënaqësi dhe krenari njoftojmë se Ansambli “Gjilani” do të marrë pjesë në festivalin kulturor në Sllovaki, nga 11 deri më 15 Shtator. Ky është një moment i veçantë për ne, ku do të kemi mundësinë të prezantojmë kulturën, traditën dhe vlerat tona folklorike përpara një audience ndërkombëtare”, ka shkruar faqja e Ansamblit “Gjilani”.
Sic mësohet, këtë pjesëmarrje e ka ndihmuar CIOFF Kosova e Arsim Abazi, në funKsion të mbështjetes së prezantimit të kulturës shqiptare në arenën ndërkombëtare.
