AAK Gjilan: Gagica prezanton Arsim Shalen në strukturat e AAK-së, kuadër me eksperiencë ndërkombëtare në misione paqëruajtëse
Kreu i AAK-së në Gjilan Nazim Gagica, ka prezantuar edhe një anëtar të ri në radhët e AAK-së. Bëhet fjalë për Arsim Shala, punonjës me ekspertizë ndërkombëtare në misione paqëruajtëse, i pjesë e OKB-së, në vende të ndryshme.
Sipas Gagices, Arsimi ka vendosur t’i bashkohet AAK-së, pasi ndihet ‘ndryshe’, dhe se kuadrot me vlera si të z. Shala i duhen Gjilanit e Kosovës, ngase siç shkruan, janë vlerë e shtuar.
Me të tilla kuadro pretendohet ndryshimi i së ardhmes qeverisëse të Gjilanit e mbarë Kosovës, shton Gagica.
P o s t i m i
Gagica
Arsim Shala prej sot i bashkohet Aleancës në Gjilan. Punonjës i OKB-së me 22 vjet përvojë në misione paqeruajtëse në vende të ndryshme të botës.
Arsimi ka pasur detyra të ndryshme si Menaxher i Projekteve, Ekspert i Programeve ERP-SAP dhe Prokurimit, si dhe Menaxher i Financave.
Në Aleancë sepse, sipas tij, është subjekti i vetëm politik që i ka ofruar shumë Kosovës përgjithësisht dhe veçmas Komunës së Gjilanit, si dhe për shkak se kryeministri e kryetari Ramush Haradinaj ka qenë konsistent në të gjitha temat e interesit nacional.
Arsimi në Aleancë është vlerë e shtuar, po ashtu edhe për Gjilanin e për Kosovën. Njerëz me këto vlera i duhen Gjilanit sepse tani shihet se ka degraduar në secilën pikëpamje me qeverisjen aktuale. Ne do ta bëjmë ndryshim sepse e kemi dëshmuar se vërtetë jemi ndryshe.
Aleanca mbetet e hapur për të gjithë. Bashkohuni krah nesh sepse duke qenë bashkë e me qëllime të mira, Gjilani do ta ketë shansin të qeveriset siç e meriton.
Mirë se vjen në Aleancë, në shtëpinë tonë të përbashkët, Arsim!
