NJOFTIM MORTOR i grupit “INTELEKTUALËT 1998” për anëtarin e ndjerë, Luan V. Kurtalanit
Ka ndërruar jetë Luan V. Kurtalani, anëtar i njohur i grupit të tifozëve “Intelektualët 1998” nga Gjilani.
Lajmi ka shkaktuar pikëllim të madh te familja, miqtë dhe të gjithë anëtarët e grupit të cilët e kujtojnë Luanin si një djalë të dashur, të respektuar dhe shumë aktiv në përkrahjen e ngjyrave të qytetit.
Sipas njoftimit të grupit “Intelektualët 1998”, Luanin nuk do ta kujtojnë vetëm si anëtar, por si pjesë të familjes së tyre të madhe që i bashkon dashuria për qytetin dhe Dritën.
Varrimi i të ndjerit do të bëhet të shtunën, më 31.10.2026, me drekë, në varrezat e qytetit të Gjilanit.
STATUSI ZYRTAR I GRUPIT “INTELEKTUALËT 1998”:
“Me dhimbje të thellë dhe pikëllim të madh morëm lajmin për ndarjen nga jeta të anëtarit tonë, Luan V. Kurtalanit.
Largimi i tij është një humbje e rëndë për familjen, miqtë dhe për familjen tonë të madhe, INTELEKTUALËT.
Luanin nuk do ta kujtojmë vetëm si një anëtar të grupit tonë, por si një prej nesh.
Luan, emri yt do të mbetet në kujtimet tona dhe vendi yt në mesin tonë nuk do të harrohet.
Pusho i qetë, Luan! Një prej nesh, përgjithmonë!“
