GJILAN / SEBASTIAN SINANI FITON ÇMIMIN “BRAND AMBASSADOR” NË GALAN E WIZY AWARD NË ROMË
“Krenar që e përfaqësoj Gjilanin në familjen CARWIZ”
GJILAN, 5 Tetor 2026 – Sebastian Sinani nga Gjilani është nderuar me çmimin prestigjioz “BRAND AMBASSADOR” nga CARWIZ International, gjatë Gala Mbrëmjes së WIZY AWARD që u mbajt në Romë.
Çmimi iu dorëzua Sinanit si njohje për punën, përkushtimin dhe përfaqësimin dinjitoz të markës CARWIZ gjatë viteve të fundit.
“Përgjegjësi për të përfaqësuar vlerat dhe njerëzit”
Përmes një postimi, Sinani tha se ky vlerësim ka një kuptim shumë më të madh se një trofe.
“Të marrësh këtë titull nuk do të thotë vetëm të përfaqësosh një logo, një kompani apo një markë. Do të thotë të përfaqësosh vlerat, kulturën, vizionin dhe njerëzit që qëndrojnë pas saj, dhe mbi të gjitha, do të thotë të kesh përgjegjësinë për ta përfaqësuar me dinjitet, kudo që ndodhesh”, shkroi ai.
Ai theksoi se pas këtij çmimi qëndrojnë “shumë vite pune, shumë sfida, vendime, sakrifica”, si dhe puna e ekipit të CARWIZ Gjilan.
“Janë njerëzit me të cilët kam ndarë këtë rrugëtim dhe një ekip i cili çdo ditë ka dhënë më shumë se sa kërkohej”, u shpreh Sinani.
Falënderim për CARWIZ International
Sebastian Sinani një falënderim të veçantë ia dedikoi themeluesit dhe udhëheqësit të CARWIZ International, z. Krešimir Dobrilović, për besimin dhe mbështetjen.
“Besimi është një nga dhuratat më të mëdha që mund të marrësh, por njëkohësisht edhe një përgjegjësi për ta dëshmuar çdo ditë se e meriton”, tha ai.
Në fund, Sinani e cilësoi çmimin si motivim për të vazhduar më tutje.
“Ky çmim nuk është fundi i një rruge, është një motivim për të vazhduar, për të bërë më shumë, dhe për ta përfaqësuar këtë vlerë edhe më mirë. Krenar që jam pjesë e familjes CARWIZ, krenar të jesh Brand Ambassador. Dhe mbi të gjitha, krenar që këtë histori po e shkruajmë së bashku.”
CARWIZ është një ndër rrjetet më të mëdha të rent-a-car në Evropë, me qendër në Kroaci dhe me qindra pika në të gjithë kontinentin, ku bën pjesë edhe CARWIZ Gjilan.
