DR. MUSË JASHARI PENSIONOHET NGA SPITALI I PËRGJITHSHËM NË GJILAN PAS NJË KARRIERE TË GJATË NË ORTOPEDI
GJILAN, 29 Shtator 2026 – Sot është pensionuar Dr. Musë Jashari nga Spitali i Përgjithshëm në Gjilan, pas shumë vitesh shërbim të përkushtuar në fushën e Ortopedisë.
Me këtë rast, menaxhmenti i spitalit ka organizuar një ceremoni të veçantë për të nderuar kontributin e tij ndër vite.
“Profesionalizëm dhe përkushtim shembullor”
Drejtori i Spitalit të Përgjithshëm në Gjilan, Dr. Afrim Cana, tha se është kënaqësi e veçantë përcjellja në pension e një profesionisti si Dr. Jashari.
“Është kënaqësi për mua që sot ta përcjellim në pension një profesionist të përkushtuar në fushën e Ortopedisë, ku gjatë karrierës suaj keni dëshmuar profesionalizëm dhe përkushtim në punë”, theksoi Dr. Cana.
Në shenjë mirënjohjeje për punën dhe kontributin e tij, menaxhmenti i spitalit e nderoi Dr. Jasharin me mirënjohje.
“Në shenjë mirënjohje për kontributin tuaj të çmuar ndër vite, menaxhmenti i Spitalit ju nderon me këtë mirënjohje, si shprehje e respektit për punën, profesionalizmin dhe kontributin tuaj në shërbim të pacientëve dhe institucionit”, thuhet në njoftimin e spitalit.
Urim për kapitullin e ri
Spitali i Përgjithshëm në Gjilan falënderoi Dr. Musë Jasharin për gjithçka që ka dhënë gjatë karrierës së tij dhe i uroi shëndet dhe momente të bukura në kapitullin e ri të jetës.
