Vazhdon shpërndarja e pakove Baby Box nga Komuna edhe për 13 familje përfituese
Nënkryetarja e Komunës, Arta Bajralija, ka bërë shpërndarjen e 13 pakove Baby Box në vlerë prej 4,452,50 euro si mbështetje për familjet dhe foshnjat e porsalindura.
Secila pako përmban produkte cilësore dhe të nevojshme për nënën dhe foshnjën, të mjaftueshme për përdorim deri në moshën njëvjeçare të fëmijës.
Nënkryetarja Bajralija, gjatë këtij takimi, ka uruar ardhjen në jetë të 13 foshnjeve të të dy gjinive, duke theksuar rëndësinë e mbështetjes së familjeve dhe përkushtimin e Komunës për të qenë pranë tyre në momentet më të rëndësishme të jetës.
“Komuna mbetet e përkushtuar në mbështetjen e familjeve dhe mirëqenien e fëmijëve, duke vazhduar iniciativa që kontribuojnë në përmirësimin e cilësisë së jetës së qytetarëve”, ka thënë po ashtu Nënkryetarja Bajralija.
