45 aksidente trafiku dhe afro 1900 gjoba brenda një dite në Kosovë
Policia e Kosovës ka publikuar statistikat e 24 orëve të fundit, ku janë regjistruar gjithsej 45 aksidente trafiku në rrugët e vendit.
Sipas njoftimit zyrtar, 21 prej aksidenteve kanë rezultuar me persona të lënduar, ndërsa 24 raste kanë shkaktuar vetëm dëme materiale.
Në kuadër të kontrolleve dhe masave të shtuara në trafik, Policia ka shqiptuar edhe 1892 gjoba për shkelje të rregullave të komunikacionit rrugor.
Po ashtu, gjatë kësaj periudhe janë arrestuar 11 persona, ku 6 prej tyre janë dërguar në mbajtje, ndërsa një person është dërguar për vuajtje të dënimit.
Policia e Kosovës u ka bërë thirrje qytetarëve që të tregojnë kujdes më të madh në trafik dhe të respektojnë rregullat e komunikacionit, me qëllim parandalimin e aksidenteve dhe rritjen e sigurisë në rrugë.
