Uta Ibrahimi: Ngjitje emocionale në Everest, mbi 8 mijë metra ndjeva praninë e babait
Alpinistja nga Gjilani, Uta Ibrahimi ka ndarë emocionet e ngjitjes së saj të dytë në majën më të lartë në botë, Mount Everest, duke e përshkruajtur si një përvojë të thellë dhe ndryshe nga hera e parë.
Ajo ka treguar se këtë herë në ekspeditë nuk ishte vetëm si alpiniste, por edhe në rolin e guides dhe udhëheqëses, duke mbajtur përgjegjësi për sigurinë e ekipit në kushte ekstreme.
Sipas rrëfimit të saj, ngjitja u bë edhe më e veçantë pasi ndodhi në një datë personale të lidhur me familjen, ndërsa ajo e ka përshkruar suksesin si një moment të mbushur me emocione dhe kujtime të forta.
Ibrahimi tha se mbi 8 mijë metra lartësi, mes erës dhe kushteve të vështira të Everestit, kishte ndjerë praninë shpirtërore të babait të saj, gjë që e ka bërë këtë arritje edhe më personale dhe domethënëse
