ORA LETRARE: Manifestimi “Lulëkuqet e Prillit 2026” përfundoi me sukses
Manifestimi Tradicional “Lulëkuqet e Prillit: 2026” përmbylli aktivitetin kulturor për këtë muaj me një Ora të Madhe Letrare. Ngjarja u përshëndet nga Drejtori i Kulturës, Rinisë e Sportit, z. Afrim Dervishi, i cili në emër të kryetarit të Komunës, z. Kadri Rahimaj, uroi që kjo ditë të jetë ndër më të bukurat në qytet, duke kujtuar Luftën e UÇK-së dhe “Betejën e Marecit”.
Kryetari i Klubit Letrar “Nositi”, z. Nexhat Rexha, e hapi Orën Letrare, duke thënë se “Dardana sot ka festë dhe ditët e festave janë të stolisura në vargjet e poetëve të pranishëm”.
Poetët e pranishëm lexuan punimet e tyre, ndër ta: Hysen Këqiku, Arsim Halili, Zymer Haliti, Rexhep Hasani, Adifete Shiti, Baki Krasniqi, Blinera Hajdari, Muhamet Halili, Sadik Kovani, Arjeta Rushiti, Izet Kallaba, Sadbere Gagica, Morea Keçmezi, Zanë Mehmeti, Shqipe Hasani, Xhemkadri Kastrati, Agim Berisha, Hatip Hulaj, Trimrron Rexhepi, Sulejman Dërmaku, Selvete Abdullahu, Zymer Kodra, Lindit Ramushi, dhe Shazi Mehmeti.
Konkursi letrar ishte anonim. Juri e përbërë nga Mehmetali Rexhepi, Kaltrina Berisha dhe Musa I. Ahmataj vlerësoi tri poezitë më të mira:
- Vendi i parë: Zymer Kodra – “Shkruaj” (shifra-16)
- Vendi i dytë: Sulejman Dërmaku – “Por…” (shifra “Nëse”)
- Vendi i tretë: Muhamet Halili – “Vashë me aromë bliri” (shifra “Akoma po të pres”)
Klubi Letrar “Nositi” falënderoi Drejtorinë e Kulturës, Rinisë e Sportit dhe kryetarin e Komunës, z. Kadri Rahimaj, si dhe sponsorët e eventit.
Juria e konkursit propozoi që këto poezi të merren për botim në numrin vijues të revistës “Nositi”: “Tabletë e padukshme”, “Jam Agu yt”, “Himalaja gri”, “Mes parandjenjave”, “Kujtesë në Kornizë”, “Sagat bartin dhembje”, “Pritja”, “Lusim Zotin…”.
Poetët konkurues që nuk ishin të pranishëm, sipas kritereve të konkursit, poezitë e tyre nuk u lexuan, por ato mund të botohen në revistën “Nositi”.
Orën letrare e moderoi profesoresha Donjeta Kryezia, e cila ia dha kuptimin kësaj ore letrare. Aktivitetin e pasqyroi me kamerën e tij z. Gani Kryeziu, i cili nuk kursen përpjekje për të pasqyruar ngjarje kulturore e kombëtare.
