Haradinaj: Agim Ramadani, së bashku me Sali Çekajn dhe Xhemajl Fetahajn, i dha vulë të pavdekshme Betejës së Koshares
Ramush Haradinaj ka kujtuar në akademinë përkujtimore kushtuar Heroit të Kosovës, Agim Ramadani, trimërinë e tij të pashembullt, duke theksuar se ai e ndoqi deri në frymën e fundit betimin për të mos vdekur pa luftuar.
Sipas Haradinajt, Agim Ramadani, së bashku me Sali Çekajn dhe Xhemajl Fetahajn, i dha vulë Betejës së Koshares, duke e bërë atë unike dhe të pavdekshme.
Ai po ashtu nderoi me respekt trimat e UÇK-së që, krahas komandant “Katanës”, do të mbeten përherë në kujtesë si heronjtë e thyerjes së kufirit mes shqiptarëve: Abush Loku, Bashkim Jasiqi, Ramiz Krasniqi, Rifat Çelaj, Arben Jusufi, Driton Veliu, Emri Curri, Harun Beka, Rifat Salihaj, Rrahman Tafa dhe Sylejman Shala.
Haradinaj theksoi se liria do të jetojë për aq kohë sa kujtohen ata që u sakrifikuan në themelet e saj, duke përmbyllur me fjalën: Lavdi!
