Kosova në prag të Kupës së Botës 2026: Ademi pret delegacionin turk për një mbrëmje historike

Darkë tradicionale dhe bashkëpunim ndërkombëtar përpara finales Kosovë – Turqi.

Në prag të finales së “play-off”-it për Kupa e Botës 2026, kryetari i Federatës së Futbollit të Kosovës, Agim Ademi, mirëpriti delegacionin e lartë të Federatës Turke të Futbollit, të kryesuar nga presidenti İbrahim Ethem Hacıosmanoğlu, në një mbrëmje që përforcoi lidhjet e forta ndërmjet dy federatave.

Ngjarja shënoi një moment të veçantë për futbollin kosovar, duke bashkuar legjenda, përfaqësues të FIFA-s dhe personalitete të njohura të futbollit ndërkombëtar, për të festuar dhe për të diskutuar në prag të një ndeshjeje historike që përcakton pjesëmarrësin në Kupa e Botës 2026 në SHBA – Meksikë – Kanada.

Deklarata e plotë e Agim Ademit:

“Në prag të finales së madhe të “play-off”-it për kualifikim në Kupën e Botës 2026, ndërmjet Kosovës dhe Turqisë, pata kënaqësinë të mirëprisja në një darkë tradicionale delegacionin e lartë të Federatës Turke të Futbollit, të kryesuar nga presidenti İbrahim Ethem Hacıosmanoğlu.
Pjesë e kësaj darke ishin edhe personalitete të shquara të futbollit ndërkombëtar, si Servet Yardımcı, ish-anëtar i KE të UEFA-s, Marcelo Balboa, Legjendë e FIFA-s, si dhe përfaqësuesit e FIFA-s, Ben O’Neill e Richard van Poortvliet, por dhe mysafirë tjerë nga Turqia.
Kjo mbrëmje në prag të kësaj ndeshjeje historike rikonfirmoi lidhjet e forta dhe vlerat e përbashkëta që na bashkojnë në rrugëtimin tonë.
Me respektin më të lartë për miqtë nga Turqia dhe me dëshirë për një lojë ‘fair-play’ dhe spektakël, uroj që festa e nesërme t’u takojë Dardanëve.
Kupa e Botës ka qenë ëndrra e shumë gjeneratave dhe një arritje e tillë do të përbënte promovimin më të madh ndërkombëtar për Kosovën. 🇽🇰🤝🇹🇷
Forca Kosovë, të priftë e mbara!”