Drejtori i DKA-së në Gjilan, Jeton Rexhepi: Vlerësimi i mësimdhënësve, shtyllë kyçe për një arsim cilësor
Në takim me ekipin komunal u diskutua rëndësia e vlerësimit të performancës dhe roli i shkollave në këtë proces
Drejtori i Arsimit në Gjilan, Jeton Rexhepi, ka mbajtur takim me ekipin komunal për Vlerësimin e Performancës së Mësimdhënësve (VPM).
Në këtë takim u diskutua rëndësia e procesit të vlerësimit të mësimdhënësve si një mekanizëm i rëndësishëm për sigurimin e cilësisë në arsim, në funksion të përmbushjes së standardeve të performancës për licencim, rilicencim dhe avancim në karrierë.
“Gjithashtu, u theksua roli i ekipit komunal në planifikimin, mbikëqyrjen dhe mbështetjen e vazhdueshme të shkollave, veçanërisht të drejtorëve dhe ekipeve me bazë në shkollë, për realizimin e vlerësimit të brendshëm të performancës së mësimdhënësve”, tha Rexhepi.
Ai kërkoi angazhim maksimal nga anëtarët e ekipit, duke theksuar se një vlerësim i drejtë, profesional dhe objektiv është ndër shtyllat kryesore për ndërtimin e një sistemi arsimor cilësor dhe funksional.
