QKMF në Viti dhe SHMLM”Kongresi i Manastirit” në Pozharan me aktivitete të përbashkëta për shënimin e Ditës Botërore të Shëndetit Oral
Sot grupi i nxënësve të shkollës së mesme të lartë ShMLM “Kongresi i Manastirit”, në kuadër të projektit me karakter humanitar të PVH-së, në bashkëpunim me Kryqin e Kuq të Kosovës, ka realizuar me sukses një aktivitet me vlerë të veçantë për komunitetin lokal.
Ky aktivitet është realizuar në kordinim me QKMF- në Viti dhe është zhvilluar në ambientet e QMF-Pozharan,ku nxënësit kanë dhënë një kontribut kreativ duke përgatitur dy piktura me karakter të higjienës orale për shërbimin e stomatologjisë, duke synuar ndërgjegjësimin e pacientëve për rëndësinë e kujdesit ndaj shëndetit oral.
Gjithashtu, në kuadër të këtij aktiviteti nxënësit kanë kontribuar në përmirësimin e kushteve për pacientët përmes pajisjes së shtretërve me mbuloja të rehatshme dhe të përshtatshme për përdorim. Ky veprim synon rritjen e kujdesit dhe komoditetit për pacientët që marrin shërbime në këtë institucion shëndetësor.
Drejtoresha e QKMF në Viti Dr.Vjollca Kadolli Halili falënderoi DKA, menaxhmentin e shkollës, profesorët e angazhuar në këtë projekt Fatlum Musa dhe Gentiana Alidema dhe si dhe grupin e nxënësve, të cilët me përkushtim, përgjegjësi dhe vullnet të mirë arritën të realizojnë këtë aktivitet humanitar, duke dëshmuar vlera të larta qytetare dhe solidariteti.
Sipas dr.Kadolli dhe drejtorit Mufail Halabaku synojmë që aktivitete të tilla ndërgjegjësuese të organizohen edhe në të ardhmen, në të mirë të institucionit dhe komunitetit.
Fotot dhe lajmi QKMF-Viti
