Gjilan: Drejtoreshat Kadriu dhe Arifi të përkushtuara për mbrojtjen e të drejtave të njeriut
Drejtoresha për Shëndetësi dhe Mirëqenie Sociale në Gjilan, Mimoza Kadriu Qerimi, ka pritur drejtoreshën ekzekutive të Institutit për Politika Sociale, Promovimin dhe Mbrojtjen e të Drejtave të Njeriut, Zahide Arifi.
Gjatë takimit, drejtoresha Kadriu Qerimi theksoi se janë njoftuar nga afër me aktivitetet e këtij instituti, duke vlerësuar se bashkëpunimi ndërmjet palëve do të sjellë rezultate pozitive.
Në këtë takim u diskutua edhe për forcimin e bashkëpunimit në të ardhmen.
Të dyja drejtoreshat ritheksuan përkushtimin e tyre për promovimin dhe mbrojtjen e të drejtave të njeriut, si dhe rëndësinë e ndërtimit të partneriteteve të qëndrueshme për përmirësimin e mirëqenies së qytetarëve.
Palët u dakorduan për hapat e ardhshëm dhe realizimin e iniciativave të përbashkëta në shërbim të komunitetit.
