Përkujtohen dëshmorët nga Lugina, Shaban Bajrami dhe Besim Xhemaili nga Breznica, në 23-vjetorin e rënies
Në fshatin Breznicë është shënuar 23-vjetori i rënies heroike të dëshmorëve Shaban R. Bajrami dhe Besim B. Xhemaili, të cilët ranë në luftë për liri dhe për idealin kombëtar.
Në këtë përvjetor përkujtimor morën pjesë familjarë të dëshmorëve, bashkëluftëtarë, përfaqësues të organizatave të luftës dhe qytetarë të shumtë, të cilët nderuan sakrificën e tyre përmes homazheve dhe vendosjes së kurorave me lule.
Në ceremoninë përkujtimore foli kryetari i OVL e UÇPMB-së, Bejtullah Bejtullahu, i cili theksoi se sakrifica e dëshmorëve mbetet udhërrëfyes për brezat e rinj dhe dëshmi e çmimit të lirisë.
Fjalë rasti mbajti edhe kryetari i Lëvizja për Demokraci (LPD), Shqiprim Musliu, i cili vlerësoi lart kontributin dhe sakrificën e dëshmorëve, duke theksuar se kujtimi për ta mbetet i përhershëm në historinë e rezistencës dhe përpjekjeve për liri.
Gjatë ceremonisë, kurora me lule vendosën familjet familja Bajrami dhe familja Xhemaili, përfaqësues të OVL e UÇPMB-së, të Lëvizja për Demokraci (LPD), si dhe veteranë e bashkëluftëtarë.
Të pranishmit theksuan se sakrifica e dëshmorëve mbetet pjesë e pandashme e kujtesës kombëtare dhe një kujtim i përhershëm për çmimin e lirisë. Nderime dhe lavdi të gjithë dëshmorëve të kombit shqiptar.
