Kompleksi i ri i NPL “Tregu” në Gjilan po gjelbërohet
Ndërmarrja Publike Lokale “Tregu” Sh.A në Gjilan ka nisur mbjelljen e bimëve dekorative në hapësirat e kompleksit të saj, me qëllim të përmirësimit të ambientit dhe gjelbërimit të zonës.
Sipas njoftimit të publikuar nga kjo ndërmarrje, ekipet e mirëmbajtjes kanë filluar punën në terren duke mbjellë bimë dekorative brenda hapësirave të ndërmarrjes, në kuadër të aktiviteteve për mirëmbajtjen dhe rregullimin estetik të ambientit.
“Ditën e nisim me mbjelljen e bimëve dekorative në hapësirat e Ndërmarrjes Publike Lokale ‘Tregu’ Sh.A. Ekipet e mirëmbajtjes kanë filluar mbjelljen e bimëve dekorative brenda hapësirave të ndërmarrjes, me qëllim të gjelbërimit dhe përmirësimit të ambientit”, thuhet në njoftimin e ndërmarrjes.
Kompleksi i ri i NPL “Tregu” në Gjilan, i ndërtuar në hapësirën e ish-tregut të gjelbër, përfshin objekte moderne, hapësira për tregtarë, parkingje dhe zona të gjelbra, të cilat synohet të mirëmbahen dhe të sistemohen vazhdimisht për një ambient më të rregullt dhe funksional për qytetarët dhe bizneset që operojnë aty.
Ndërmarrja Publike Lokale “Tregu” është e angazhuar edhe në mirëmbajtjen e hapësirave publike në qytet, duke përfshirë pastrimin dhe rregullimin e zonave të ndryshme urbane në Gjilan
