Apel për ndihmë për Liridon Rexhën

Familja e Liridon Rexhës nga Skenderaj, ka bërë apel publik për ndihmë financiare, pasi ai po përballet me një gjendje të rëndë shëndetësore si pasojë e një tumori të avancuar në veshkë.

Liridon Rexha është ish-ushtar i Ushtrisë Çlirimtare të Kosovës, i cili iu bashkua radhëve të UÇK-së që në moshën 16-vjeçare. Pas luftës, ai ka shërbyer për vite me radhë si zjarrfikës, duke qenë gjithmonë në shërbim të komunitetit dhe qytetarëve.

Për shkak të përkeqësimit të gjendjes shëndetësore, trajtimi i tij mjekësor duhet të vazhdojë jashtë vendit. Sipas familjarëve, trajtimi është kompleks dhe me kosto shumë të lartë, të cilat tejkalojnë mundësitë financiare të familjes.

Megjithëse një pjesë e shpenzimeve mbulohet nga Fondi i Sigurimeve Shëndetësore, kjo ndihmë nuk mjafton për mbulimin e plotë të kostove, të cilat sipas vlerësimeve pritet të kalojnë shumën prej 100 mijë eurosh.

Familja u bën thirrje qytetarëve, bashkëluftëtarëve, miqve dhe dashamirëve që, sipas mundësive, të kontribuojnë për trajtimin e Liridon Rexhës.

Të dhënat për donacione:

🔹 Brenda Kosovës
Banka: Raiffeisen Bank Kosovo
Përfituesi: Liridon Rexha
Nr. i llogarisë: 1503050000509613

🔹 Nga Evropa / Jashtë Kosovës
IBAN: XK05 1503 0500 0050 9613
SWIFT/BIC: RBKOXKPR

📞 Nr. kontaktues: 044 860 485

Çdo ndihmë, sado e vogël, është shumë e çmuar dhe e domosdoshme.