Kolona të gjata në pikëkalimet me Serbinë – Diaspora po kthehet në vendet e BE-së e gjetiu!
Qendra Kombëtare për Menaxhimin Kufitar njofton sot në mëngjes se në vendkalimet kufitare të Kosovës me Serbinë, janë krijuar radhë të gjata.
Rreth 80 minuta po pritet në dalje për në Merdarë dhe te Dheu i Bardhë, kurse në pikat tjera kufitare nuk ka pritje të gjata, pasi që procedurat e daljes nga vendi zgjatin 3 deri në 5 minuta.
QKMK njofton se kolona në dalje nga Kosova në Merdarë është e gjatë rreth 600 metra, kurse te Dheu i Bardhë rreth 400 metra, por kjo ndryshon varësisht nga fluksi.
Sidoqoftë, mërgata tani po kthehet në vendet ku jeton, pas pushimeve. Këtë vit ka pasur një fluks më të madh drejt vendlindjes edhe për shkak të zgjedhjeve parlamentare.
Në media po lexoj sot edhe disa thumbime e shkrime kundër largimit të mërgatës, për shkak të votimeve të fundit, por me këto gjëra nuk do të merrem. Secili ka të drejtë të votojë si të dojë dhe jetojë ku të dojë…
Sidoqoftë, rruga e mbarë kudo që shkoni. Disa rekomandojnë që nëse kaloni nëpër Serbi, e siç shihet nga kolonat, një numër i madh po udhëton pikërisht nëpër këtë vend, keni kujdes të mos mbani në makina gjëra që mund t’ju sjellin probleme…
Nëse doni mund të në shkruani edhe për gjendjen në rrugë…
