Fortesa Orana – karatiste: ” Viti 2025 vit i realizimit të ëndrrave! – Medaljet që dikur i ëndërtoja, sot i mbaj nē duar…”
Karateistja Fortesa Orana nga Gjilani, ka prezantuar një mori suksesesh të arritura gjatë vitit të cilin sapo e lamë prapa.
Ajo, vitin 2025 e ka cilësuar ndër vitet më të suksesshme të karrierës së saj, ndërsa ka theksuar se arritjet e shënuara e kanë përmbushur emotivisht, krahas sfidave e sakrificave të cilat e kanë përcjellë rrjedhën e sukseseve të saj gjatë tërë vitit.
” Viti 2025 vit i realizimit të ëndrrave! – Medaljet që dikur i ëndërtoja, sot i mbaj nē duar…”, ka shkruar vec tjerash ajo në rrjete ociale.
“Po e përfundoj këtë vit më të përmbushur se kurrë më parë në karrierën time. Një vit plot emocione, sfida dhe sakrifica, por mbi të gjitha plot besim dhe punë të palodhshme. Arrita të dëshmoj se pas çdo vështirësie lind dielli”, ka theksuar më tej Fortesa.
POSTIMI:
Me disiplinë, përkushtim dhe ëndrra të mëdha, medaljet që dikur vetëm i ëndërroja, sot i mbaj në duar: medalje Botërore, Evropiane, Karate 1 Premier League, Ballkanike dhe Mesdhetare.
Ky vit shënoi kulmin e këtij rrugëtimi, duke u mbyllur me 2 medalje Ballkanike, 2 medalje Mesdhetare, medalje nga Karate 1 Premier League, medalje Evropiane team dhe titullin Kampione e Kosovës.
Ishte vërtet viti im. Realizova objektivat e mia dhe përjetova sukses jo vetëm në karrierë, por edhe në jetë. Jam mirënjohëse për çdo sakrificë dhe për çdo hap që më solli deri këtu.
“Faleminderit që keni qenë pjesë e këtij rrugëtimi tim — familjes, shoqërisë dhe trajnerëve të mi.
Me mirënjohje dhe besim, drejt synimeve të reja në vitin 2026.”
Medalja më e çmuar nga të gjitha mbetet njeriu i zemrës sime, ai që i dha kuptim çdo fitoreje. G
