Xhudistja kosovare, Nora Gjakova, i ka dhënë fund karrierës si sportiste.
Nora Gjakova ka thënë se ndihet e përmbushur me gjithçka ka arritur gjatë këtyre 23 viteve karrierë.
“Sfidat, humbjet dhe fitoret do të mbeten vetëm kujtime të paharrrueshme për mua sepse më kanë bërë një ndër sportistet më të sukssesshme shqiptare, e mbi te gjitha, njeriun që jam sot. Jam mirënjohese për këtë rrugëtim të bukur që e kam pasur dhe ndihem e përmbushur me gjithçka që kam arritur gjatë këtyre 23 viteve karriere në sport. Faleminderit që keni qenë pjesë e këtij rrugëtimi: familjes për hapat e parë në sport dhe për mbështetjen e vazhdueshme, Tonit që më ngriti si sportiste deri në titullin më të lartë të Kampiones Olimpike, shokëve dhe shoqeve të Klubit “Ippon” në Pejë për çdo ndeshje e përkrahje, shtetit tim Kosovës për nderin dhe krenarinë që ma dha për me e përfaqësu dhe të gjithë shqiptarëve kudo që janë për përkrahjen ndër vite”, ka shkruar Gjakova.
