“Diaspora flet me gjuhë shkencore” – Dr. Fatbardh Veseli, organizoi panelin “Teknologjia dhe Inovacioni, lidhja e tregjeve dhe Ekosistemeve” në Këln të Gjermanisë me studiues e intelektualë shqiptarë
Në një botë ku talenti dhe teknologjia nuk njohin kufij, lidhja (connection) nuk është më luks por domosdoshmëri.
Kjo ide mori formë të plotë në panelin “Teknologjia & Inovacioni – Lidhja e Tregjeve dhe Ekosistemeve” në #DiasporaFlet2025, ku u diskutua se si teknoligjia dhe inovacioni mund të shkurtojë distancat mes diasporës dhe vendeve të origjinës në shumë dimensione.
Nën moderimin e Dr. Fatbardh Veseli (Horizont-AL e.V.), paneli mblodhi një listë folësish frymëzues: Agnesa Belegu (Maxis Studios – EA, Berlin), Gazmend Selmani (CEO IBAS), Genc Rama (Deutsche Post AG, Cologne) dhe Fitim Adili (Zhvillues me bazë në Hamburg).
Diskutimi solli në pah mënyrat se si nismat e udhëhequra nga diaspora po ndërtojnë ekosisteme të qëndrueshme teknologjie, po lidhin tregje dhe komunitete, dhe po krijojnë partneritete që shkallëzohen globalisht, duke gjeneruar ndikim real në vendlindje dhe jashtë saj.
Siç u theksua nga disa prej folësve, pas çdo inovacioni teknologjik qëndron një histori njerëzore — histori përkatësie, krijimtarie dhe bashkëpunimi.
Këto histori e kthejnë ‘Diaspora Flet’ në një pikë takimi mes kreativitetit, komunitetit dhe progresit.
