Lëvizja vetëvendosje në Gjilan ka vijuar edhe të dielën me rjedhën e vizitave të ndryshme nëpër vedbanime e lokalitete
Gjatë ditës kanë qëndruar në fshatin Livoq e Cërnicë, tek familjet Murtezi përkatësisht Bllaca.
Kështu ka njoftuar faqja e LVV-së, ku është vënë theksi përvec tjerash edhe te mikëpritja që kanë gjetur në këto takime.
“Familja Murtezi në Livoq dhe familja Bllaca në Cernicë, e hapën konakun e tyre për të mirëpritur kryetarin e tashëm dhe të ardhshëm të Gjilanit Alban Hyseni”, thuhet në njoftimin e Lëvizjes Vetëvendosje.
“Bashkë me kandidatët për Asamble dhe me banorë të këtyre dy fshatrave, u folë për rëndësinë e këtyre zgjedhjeve lokale dhe për fitoren pa balotazh të Lëvizjes VETËVENDOSJE!”
Poashtu faqja e LVV-së shprehet e bindur në fitoren e kandidatit të LVV-së, duke iu referuar opinioneve të qytetarëve, duke shprehur bindjen se zgjedhjet do t’I fitojë madje pa balotazh.
“Përkrahje po marrim gjithandej Komunës, sepse kemi punuar dhe do të vazhdojmë të punojmë për qytetarët tanë”, thuhet në fund të njoftimit të Lëvizjes Vetëvendosje, Gjilan.
