Filloi Klubi i Librit në Kamenicë
Në Qendrën Rinore “Fanar”, që funksionon në kuadër të Drejtorisë për Kulturë, Rini dhe Sport, është mbajtur sot takimi i parë i Klubit të Librit.
Të rinjtë pjesëmarrës të këtij klubi vendosën që rrugëtimin e tyre ta nisin me librin “Unë jam Malala”.
Klubi do të zhvillojë takime çdo dy javë në Bibliotekën e Kamenicës, ku të rinjtë do të kenë mundësinë të lexojnë dhe të diskutojnë së bashku.
Kjo nismë ka për qëllim të nxisë dashurinë për librin, të forcojë mendimin kritik dhe të krijojë hapësira të reja miqësie për të rinjtë e komunës sonë.
