Shkruan: Mr. Refik Hasani – Grafitet me emrin e Ratko Mladiqit në Bujanoc – gjuhë urrejtjeje, provokim dhe kërcënim ndaj shqiptarëve
Dënojmë fuqishëm këto akte, përmes reagimit publik, me rastin e shfaqjes së grafiteve në qendrën e Bujanocit, me emrin e kriminelit të luftës të dënuar për gjenocid në Srebrenicë të Bosnjës e Hercegovinës, Ratko Mladic.
Shkruan: Mr. Refik Hasani
Sot, në qendrën e Bujanocit janë shfaqur të shkruara grafite në alfabetin cirilik, ku 4 C lexohen shkronja S, së bashku me kryqin, si grafit me emrin dhe mbiemrin e kriminelit të luftës të dënuar për gjenocid në Srebrenicë të Bosnjës e Hercegovinës, Ratko MLADIQ.
Kujtoj opinionin e gjërë se kjo është vazhdimësi pasi vitin e kaluar ishte thyer në qendër të Bujanocit billboard-i i Komandantit të UÇPMB-ës, Ridvan Qazimi – Lleshi, dhe vetëm këto dy vitet e fundit aktett e tilla janë në shtim e sipër, pasi janë shfaqur edhe me mbishkrimin ’’Vdekje shqiptarëve”.
Radhazi në Shtëpinë e Shëndetit në qendër të Bujanocit, edhe në Preshevë dhe Medvegjë, fare nuk janë ndalur së shkruari grafite, pankarta etj, me mbishkrime ku shprehet gjuhë e urrejtjes, provokim, frikësim dhe jepet mesazh kërcënimi ndaj shqiptarëve në Bujanoc, Preshevë e Medvegjë.
Jo që kanë marrë hov mbishkrime me pankarta e grafite, dhe janë krijuar si dukuri në rritje, por janë shëndërruar në përditshmëri. Përmes grafiteve në Bujanoc me emrin e Ratko Mladic, paraqitet urrejtje, provokim dhe kërcënimit, e cila dukuri është për të mbjellur e instaluar frigë, pasiguri, nën tendenca të vazhdueshme për shpërngulje, asimilim, pastrim etnik e diskriminim.
I bëjmë thirrje instancave më të larta të BE-së, dhe mekanizmave të OKB-së, që të shtojnë prezencën, monitorimin dhe angazhimin pasi shfaqja e grafiteve sot në qendër të Bujanocit është dëshmi se përvec pasivizimit, përmes pastrimit etnik, kemi edhe diskriminim në gjitha segmentet e jetës.
Kjo krahinë shqiptare është rajoni më i pazhvilluar në gjithë Evropën, ndërsa kjo tregon se statusi i saj politik nuk është zgjidhur ende.
Gjithashtu, përmes këtij reagimi publik, i bëjmë thirrje Tiranës dhe Prishtinës zyrtare të reagojnë zyrtarisht duke dënuar këto akte, kurse Republika e Serbisë zyrtarisht do të duhej të dënoj këto akte, ku me mbishkrime shprehet gjuha e urrejtjes, si provokim, frikësim dhe kërcënimit ndaj shqiptarëve në Bujanoc, Preshevë e Medvegjë.
Autor është: Refik Hasani, 6 shtator 2025
Sqarim: *Pamja e vendit, ku në qendër të Bujanocit, janë shkruar grafite, me emrin e kriminelit të luftës të dënuar për gjenocid në Srebrenicë të Bosnjës e Hercegovinës, Ratko Mladic.
