Vihet gurhemeli për ndërtimin e shtëpisë së fshatit në lagjen “Gllama” në Bresalc
Është vënë gurthemeli i projektit për ndërtimin e shtëpisë së fshatit Bresalc në lagjen “Gllama”, nga kryetari i Komunës së Gjilanit, Alban Hyseni, ku i pranishëm ishte edhe zëvendës ministri i Mbrojtjes Shemsi Syla, këshilltarët komunalë nga VV Besnik Shala e Blerim Haziri dhe zyrtarë të tjerë komunalë dhe banorë të kësaj ane.
Kjo godinë e denjë dhe moderne do të shërbejë për nevojat e të gjithë komunitetit.
Kryetari i Komunës së Gjilanit Alban Hyseni, tha se: kisha kënaqësinë të marr pjesë në inaugurimin e projektit për ndërtimin e shtëpisë së fshatit në lagjen “Gllama” në Bresalc.
“Ky është një projekt me vlerë për komunitetin, i cili do të shërbejë për raste mortore, ahengje, përkujtime dhe aktivitete rinore, në një hapësirë moderne dhe të përshtatshme për të gjithë. Falënderim i veçantë për banorët e lagjes për angazhimin dhe mikpritjen”, tha kryetari Alban Hyseni.
