Loja e Streetball – lojë për miqësinë, respektin dhe emocionin që vetëm sporti mund të sjellë
Më 23 Korrik, në kuadër të “Kamenica Summer Fest”, sheshi i Kamenicës u shndërrua në një arenë pasioni dhe gare të vërtetë, ku u zhvillua turneu i shumëpritur i Streetball-it për grupin e djemve.
10 ekipe pjesëmarrëse nga mbarë Kosova me lojtarë nga Prishtina, Prizreni, Suhareka, Gjilani, Vushtrria, Rahoveci, si dhe ekipe lokale nga Kamenica, sollën një atmosferë të paharrueshme tek publiku.
Pas një gare të ngushtë dhe me shumë emocione, fituesit e merituar u shpallën:
Vendi i parë – Bero kingdom u kurorëzua me çmimin prej 600 Euro.
Vendi i dytë – Suhareka u shpërblye me 200 Euro.
Në fund të lojës Kryetari Kadri Rahimaj përgëzoi të gjithë pjesëmarrësit dhe uroi fituesit.
“Jam shumë i lumtur që ky sport ka bashkuar rininë tonë duke treguar respekt dhe duke luajtur një garë të ndershme. Kamenica jonë e vogël do të jetë gjithmonë shtëpia e kësaj energjie pozitive dhe e këtij potenciali të të rinjëve. Urime ekipeve fituese si dhe të gjitha skuadrave për pjesëmarrjen e dinjitetshme dhe lojën e fortë”, ka thënë ai.
