Gjilan: Mbahet testi i maturës 2025 – vlerësohet organizimi dhe mbarëvajtja
Në Gjilan është mbajtur testi i maturës duke u vlerësuar lart, si “organizim i dinjitetshëm”, thuhet në reagimin e njërit nga përgjegjësit mbikëqyrës të procesit, Mentor Hajrizi.
Sipas tij, maturantët e kaluan me sukses një nga sfidat më të rëndësishme të rrugëtimit arsimor, Testin e Maturës.
“Në Gjilan, gjithçka u realizua me përkushtim dhe përgjegjësi, falë angazhimit të kryetarëve të komisioneve dhe bashkëpunimit të shkëlqyer me institucionet vendore. Falënderim i veçantë për Drejtorinë Komunale të Arsimit dhe për të gjithë administruesit për organizimin e rregullt dhe të dinjitetshëm të testimit”, thuhet po aty, në reagimin e z. Hajrizi.
