Takim biznesor në Tokio, Osmani: U dëshmua potenciali për bashkëpunimin ekonomik mes dy vendeve
Presidentja e vendit, Vjosa Osmani, po zhvillon një vizitë zyrtare në Japoni ku mori pjesë në takimin biznesor Kosovë-Japoni, duke shprehur optimizëm për thellimin e bashkëpunimit ekonomik ndërmjet dy vendeve.
Gjatë takimit, Osmani vuri në dukje potencialin e madh për rritje të investimeve dhe bashkëpunimit në sektorë të ndryshëm ekonomikë.
Ajo theksoi rëndësinë e vizitës duke theksuar se në delegacionin që e shoqëron janë përfaqësues nga biznese të ndryshme kosovare, çka tregon gatishmërinë e Kosovës për të ndërtuar një partneritet strategjik me Japoninë.
“Jam veçanërisht e lumtur që në këtë vizitë jam e shoqëruar nga një delegacion i bizneseve nga sektorë të ndryshëm në Kosovë — një dëshmi konkrete e gatishmërisë sonë për partneritet strategjik me Japoninë,” tha presidentja Osmani.
