KBI – Gjilan, përmes Shoqatës “Bereqeti”, ka shpërnda 2 mijë kg. mish për qytetarë në nevojë
Në prag të festës së Kurban Bajramit, Këshilli i Bashkësisë Islame në Gjilan, përmes Shoqatës Humanitare “Bereqeti” – dega në Gjilan, ka realizuar shpërndarjen e 2,000 kilogramëve mish të freskët për kategori të ndryshme të qytetarëve në nevojë.
Përfitues nga ky aktivitet humanitar ishin: veteranët dhe invalidët e Ushtrisë Çlirimtare të Kosovës, familjet e dëshmorëve, Shoqata e të Verbërve, Shoqata “Hendikos”, si dhe familje me gjendje të rënduar socio-ekonomike.
Koordinatori i Shoqatës “Bereqeti” në Gjilan, Iljaz ef. Mustafa, theksoi se ky aksion është pjesë e përpjekjeve të vazhdueshme të Bashkësisë Islame për të ndihmuar dhe përkrahur ata që kanë më së shumti nevojë, me qëllim që të sjellë gëzim dhe lehtësim në zemrat e tyre gjatë kësaj feste të madhe islame.
