Kuvendi nuk e miraton rregulloren për sistematizimin e vendeve të punës në shërbimin civil
Këshilltarët e Kuvendi Komunal, në mbledhjen e pestë nuk e votuan plotësimin dhe ndryshimin i Rregullores 04/20020 për organizimin e brendshëm dhe sistematizimin e vendeve të punës në administratën komunale.
Kryetari i Komunës së Gjilanit, Alban Hyseni, me keqardhje njofton qytetarët se në Kuvendin Komunal, nuk u miratua Rregullorja për Sistematizimin e Vendeve të Punës në Shërbimin Civil, ndonëse ajo u hartua me përkushtim, transparencë dhe kontribut profesional nga drejtues komunalë dhe shefa sektorësh.
Më tej ai theksoi se rregullorja synonte përmirësimin e pozitës së shërbyesve civil dhe rregullimin e koeficienteve, duke adresuar padrejtësitë shumëvjeçare.
“Fatkeqësisht, opozita vendosi ta shtyjë miratimin, duke penguar një hap të rëndësishëm për modernizimin e administratës. Si kryetar komune, do të vazhdoj të mbroj të drejtat e shërbyesve civil dhe të kërkoj rikthimin e kësaj rregulloreje për miratim.
Kjo pikë është shtyrë për në seancën e 4 qershorit.
